Бүгін мектебіміздің 11 «А», 11 «Ә» және 11 «Б» сынып оқушыларына арналған салтанатты бітіру кеші өтті.

Кеш барысында мектептің мақтанышына айналған 4 оқушы «Алтын белгі» иегері атанып, арнайы төсбелгімен және аттестаттарымен марапатталды. Бұл – олардың көп жылғы табанды еңбегі мен білімге деген ұмтылысының жемісі. Сондай-ақ бұл кеш - мектеп қабырғасындағы балалық шақпен қоштасып, үлкен өмірге қадам басқан жас түлектер үшін ерекше әрі ұмытылмас сәт болды. Кеш барысында түлектерге ақжарма тілектер айтылып, олардың жетістіктері мен мектеп өміріндегі жарқын сәттері еске алынды. Жылдар бойы мектеп өміріне белсене араласқан ата-аналар алғыс хаттармен марапатталды. Құрметті түлектер! Сіздерді өмірлеріңіздегі маңызды белеспен шын жүректен құттықтаймыз! Алдағы өмір жолдарыңыз жарқын болып, армандарыңыз орындалып, биік белестерді бағындыра беріңіздер. Сәт сапар, жас түлектер! Ақ жол!