2025 жылдың 23 мамырында мектебімізде 11-сынып түлектеріне арналған «Мектебім саған мың алғыс» атты салтанатты іс-шара өтті.

Бұл ерекше шараға мектеп басшылығы, ұстаздар қауымы, оқушылар және ата-аналар қатысты.
Саптүзеуімізге құрметті қонақтарымыз – Магавина Айгүл Сағынбаевна мен Муратова Аяжан Нұрғазиевна арнайы қатысып, өздерінің ақ тілектерін білдіріп, кештің көркін аша түсті.
Іс-шара барысында мектеп қабырғасымен қоштасып жатқан түлектер жүрекжарды сөздерін айтып, ұстаздарына, ата-аналарына алғыстарын жеткізді. Ал бірінші сынып оқушылары арнау тақпақтарын оқып, шараның сәнін келтірді.
Іс-шара соңында дәстүр бойынша қоңырау соғылып, мектеппен қоштасу сәті ерекше толқынысқа толы болды.
Бұл шара түлектердің есінде мәңгі сақталары сөзсіз. Оларға алдағы өмір жолында сәттілік пен биік белестерді бағындыруды тілейміз!