Сәуірдің 8- күні С.Жүнісов атындағы №18 орта мектеп-лицейі шаңырағында 4 Ә, 4 Г сынып оқушыларының «Жапырақ-тамырдан нәр алады!» атты тақырыбында ата-аналарымен жиналыс болып өтті.
Алдымен сынып жетекшісі А.Р.Мукушева, М.Қ.Увалиева сынып оқушыларыың тоқсандық бағалары мен оқу үлгерімі, тәртіптері жайында айта кетті.
Жиналыс барысында ата-аналармен «Жапырақ-тамырдан нәр алады!» атты тақырыпта әлеуметтік-психологиялық тренинг өткізіліп, ата-аналар үшін ойын барысында балаларына деген ыстық ықыластары мен махаббаттарын көпшілік алдында білдіру жаттығуы-жүректеріне жылы тиді. Балаларының ата-аналарына арналған ашық хаттары да ата-аналарының жүректерінен орын тапты. Бұрын соңды мұндай мүмкіншілік тумағандықтарын айтып, кейбір ата-аналарымыз көздеріне жас та алды.
Бұл тренингтің ата-ана мен бала арасындағы қарым-қатынасты жақсартуға, өз-өздеріне деген сенімдерін нығайтуға жақсы себепкер болатындығына көзіміз жетті. Ата-аналар тренингтің есте қалатын жерлері, өздеріне ашылған жаңалықтары болғандарын, әсер еткен жерлерінің де аз еместігін тілге тиек етті.Тренинг соңында белсенді араласқан ата-аналар аталып өтіп, қатысушыларымыздың орындауында «Анашым » әнімен аяқталды.
Мектеп педагог- психологы: Самбаева Д.А.